தங்கை

என் கைப்பிடித்து நடை பழகியவள் ,
ஆனாலும் என்னை படிப்பில் முந்தியவள்,


அப்பா சைக்கில்ளை ஓட்ட முற்பட்டு விழுந்தபோது
முதலில் இதை ஓட்டு என்று 3 சக்கர சைக்கிளை என் அருகே நிறுத்தினாய் ,
அதற்காக தெரு தெருவாக உன்னை விரட்டினேன்

உன் வகுப்பு தோழன் , உன் ஜடையை பிடித்து இழுக்க
அவனுடைய வேண்டுதல் குடிமியை வெட்டி ,
கணக்கு வாத்தியார் அடிப்பின்ன,
நீ வீட்டுக்கு ஓடிய ஓட்டம் ,

என் கல்லூரி கதைகளை பகிர்ந்து
கொண்ட நல்ல தோழி ஆனாய்.




எங்கள் வீட்டு சிறு பெண்
இன்று அடுத்த வீட்டு தலைவி ஆகிறாய்
எல்லோரிடமும் ஆசீர்வாதம் வாங்கினாய்
சொல்லிவிட்டு கிளம்பினாய்
என்னிடம் மட்டும் சொல்லாமல்
எல்லோரும் என்னை பார்க்க
நான் உன்னை பார்க்க ,
என் கண்ணில் இருந்து மறந்தாய்




நம் வீட்டுக்கு வந்து ,
உன் அறையில் படுத்து அழ ஆரம்பித்தேன் ,
என் செல் சிணுங்க ,
எடுத்தேன் உன் அழுகை கேட்டு கொண்டே இருக்கிறது.

குறிப்பு : மக்களே சத்தியமா இது கவிதை இல்ல , ஆனா கவிதை மாதிரி